ବିରାଟ କୋହଲିଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲରେ ୨୭୪ ମିଲିୟନରୁ ଅଧିକ ଫଲୋଅର୍ସ ଅଛନ୍ତି । କିନ୍ତୁ ମଝିରେ ହଠାତ୍ ଗାଏବ ହୋଇଯାଇଥିଲା । ଯାହା ବର୍ତ୍ତମାନ ଫେରି ଆସିଛି ଏବଂ ପ୍ରଶଂସକମାନେ ଏଥିପାଇଁ ବହୁତ୍ ଖୁସି ଅଛନ୍ତି । ନିଜର ବ୍ୟକ୍ତିଗତ ପାରିବାରିକ ଜୀବନ ବଞ୍ଚିବାକୁ ପସନ୍ଦ କରୁଥିବା ବିରାଟ କେବଳ ସୋସିଆଲ ମିଡିଆ ମାଧ୍ୟମରେ ତାଙ୍କ ପ୍ରଶଂସକଙ୍କ ସହ ଯୋଡ଼ି ହୋଇଛନ୍ତି । ହେଲେ, ଇନଷ୍ଟାଗ୍ରାମରୁ କୋହଲିଙ୍କ ହଠାତ୍ ଗାଏବ ହେବାର କାରଣ ବିଷୟରେ କୌଣସି ସୂଚନା ସେୟାର କରାଯାଇ ନାହିଁ ।
ଇନଷ୍ଟାଗ୍ରାମରେ ବିରାଟ କୋହଲିଙ୍କ ଅନୁପସ୍ଥିତି ବିଶେଷ ଭାବରେ ଆଶ୍ଚର୍ଯ୍ୟଜନକ । କାରଣ ସେ ଜଣେ ଭାରତୀୟ ଖେଳାଳି । ତାଙ୍କର ୨୭୪ ନିୟୁତରୁ ଅଧିକ ଫଲୋଅର୍ସ ଅଛନ୍ତି, ଏବଂ ସେ ଇନଷ୍ଟାଗ୍ରାମରେ ସର୍ବାଧିକ ଫଲୋଅର୍ସ ମଧ୍ୟରୁ ଜଣେ । ଏଥିସହ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଶ୍ରଦ୍ଧା କପୁର ଏବଂ ପ୍ରିୟଙ୍କା ଚୋପ୍ରା ଜୋନାସଙ୍କ ପରି ସେଲିବ୍ରିଟିଙ୍କ ଠାରୁ ଆଗରେ ।
ଏହାରି ମଧ୍ୟରେ, ତାଙ୍କର ଇନଷ୍ଟାଗ୍ରାମ ଆକାଉଣ୍ଟ ଦୀର୍ଘ ସମୟ ଧରି ଏପରି ଏକ ସ୍ଥାନ ହୋଇ ରହିଛି ଯେଉଁଠାରେ ସେ ତାଙ୍କର ଟ୍ରେନିଂ, ଅନୁଷ୍କା ଶର୍ମା ଏବଂ ତାଙ୍କ ପିଲାମାନଙ୍କ ସହିତ ପାରିବାରିକ ମୁହୂର୍ତ୍ତ, ବ୍ରାଣ୍ଡ କୋଲାବରେଶନ୍ ଏବଂ ମୋଟିଭେସ୍ନାଲ୍ ମ୍ୟାସେଜ୍ ଏହିପରି ବହୁତ୍ କିଛି ସେୟାର କରନ୍ତି । ଏଥିସହ ଜାଣିରଖନ୍ତୁ ଯେ, କୋହଲିଙ୍କୁ ପରବର୍ତ୍ତୀ ସମୟରେ ଜୁଲାଇରେ ପଡ଼ିଆରେ ଦେଖିବାକୁ ମିଳିବ ।
About the Author
